యంగ్ టైగర్ పాంచ్ పఠాకా

ఎన్టీఆర్ మంచి స్పీడ్ మీద ఉన్నాడు. టెంపర్ సక్సెస్ ఇచ్చిన జోష్ మన నందమూరి వారసుడిమీద బాగా కనిపిస్తోంది. ఇప్పటివరకూ ఒక మూవీ చేసిన తర్వాతే రెండో మూవీ గురించి ఆలోచించే ఎన్టీఆర్.. ఇప్పుడు రూట్ మార్చేశాడు. డైరెక్టర్లు కూడా ఎన్టీఆర్ స్టామినాని పక్కాగా ఉపయోగించుకుని.. బంపర్ హిట్ కొట్టాలని భావిస్తూ... కథలు, కాన్సెప్టులు తీసుకుని క్యూ కట్టేస్తున్నారు. ఇప్పుడు సుకుమార్ డైరెక్షన్ లో నాన్నకు ప్రేమతో చేస్తున్నాడు యంగ్ టైగర్. ఇది సెంటిమెంటల్ మూవీ అని టైటిల్ తోనే అర్ధమవుతుంది. మరి దీని తర్వాత ప్రాజెక్ట్ ఏంటి అంటే.. ఇప్పటికైతే ఎన్టీఆర్ కూడా ఈ ప్రశ్నకు సమాధానం చెప్పలేడేమో. ఎందుకంటే ఐదు ప్రాజెక్టులపై కసరత్తు చేస్తున్నాడు మరి.

కొరటాల శివ ఇప్పటికే ఎన్టీఆర్ కి ఒక స్టోరీ వినిపించాడు. మన టైగర్ కి బృందావనం లాంటి సక్సెస్ ఇఛ్చిన వంశీ పైడిపల్లి ఓ లైన్ చెప్పాడు. గోపీచంద్ మలినేని డైరెక్షన్ లో మురుగదాస్ స్టోరీ కూడా వినేశాడు. దీనికి దిల్ రాజు నిర్మాత. రామయ్యా వస్తావయ్యా ఫ్లాప్ కావడంతో... హరీష్ శంకర్ కూడా ఎన్టీఆర్ కోసం మాంచి స్టోరీ రాసి పట్టుకెళ్లాడు. ఇక ఎప్పటినుంచో అదుర్స్ 2 తీయాలని వినాయక్, ఎన్టీఆర్ అనుకుంటున్నారు. ఇది స్క్రిప్ట్ కూడా రెడీ అయిపోయినట్లు తెలుస్తోంది. ఈ ఐదింటిలో ఏ ప్రాజెక్ట్ పట్టాలెక్కుతుందో.,,,