అనుష్కకో నమస్కారం!

హీరోయిన్లంతా హాట్‌గా కనిపించడానికి కడుపు మాడ్చుకుంటూ వుంటే, నాజూకైన ఆకృతితో వుండే అనుష్క ఒక పాత్ర కోసమని పదుల కొద్దీ కిలోల బరువు పెరిగింది. 'సైజ్‌ జీరో' చిత్రం కోసం కావాలని బరువు పెరిగిన అనుష్క ఎంతగా కష్టపడిందో ఈ కొత్త పోస్టర్‌ చూస్తే తెలుస్తుంది. గుర్తు పట్టలేనంత లావుగా వున్న అనుష్క మిగతా హీరోయిన్లకి దిమ్మ తిరిగే షాక్‌ ఇచ్చింది. ఇలాంటి డెడికేషన్‌ తమ వల్ల కాదని, ఎంత అందంగా కనిపించాలా అంటూ తాము తాపత్రయపడుతోంటే, నటి ఆలోచించాల్సింది అందం గురించి కాదని ఆమె తెలియజెప్పిందని సమంతలాంటి వాళ్లు అనుష్కని ఆకాశానికి ఎత్తేస్తున్నారు.

విశేషం ఏమిటంటే ఈ పాత్ర చేసినంత కాలం అనుష్క బయట కనిపించకుండా జాగ్రత్త పడింది. బాహుబలి తర్వాత పూర్తిగా ఈ చిత్రానికే టైమ్‌ కేటాయించిన అనుష్క మళ్లీ ఆ బరువంతా తగ్గించేసి ఇప్పుడు రుద్రమదేవి ప్రమోషన్స్‌లో పాల్గొంటోంది. ఇది చూసిన వారంతా అనుష్క అసలు ఇంత లావెప్పుడు అయింది, మళ్లీ ఎప్పుడు తగ్గింది అంటూ ముక్కున వేలేసుకుంటున్నారు. డెడికేషన్‌ అంటే అదే మరి.