ఫిదా మూవీ హిట్ గ్యారంటీ…చూసి ప్రేక్ష‌కులు ఫిదా అవుతారు – దిల్ రాజు

దిల్ రాజు..టాలీవుడ్ లో ప్ర‌ముఖ నిర్మాత‌. శ్రీ‌వేంక‌బేశ్వ‌ర క్రియేష‌న్స్ బ్యాన‌ర్ పై ఇప్ప‌టికీ 25 చిత్రాలు నిర్మించారు.. ఈ ఏడాది శ‌త‌మానం భ‌వ‌తి, నేను లోక‌ల్, డిజె మూవీల‌తో హ్యాట్రిక్ విజ‌యాలు అందుకున్నారు.. ఈ బ్యాన‌ర్ పై నిర్మించిన 26వ చిత్రం ఫిదా.. ఈ మూవీ కి శేఖ‌ర్ క‌మ్ముల ద‌ర్శ‌కుడు.. మెగా ప్రిన్స్ వ‌రుణ్ తేజ్, ప్రేమ‌మ్ ఫేమ్ సాయి ప‌ల్ల‌వి హీరో హీరోయిన్స్.. ఈ మూవీ ఈ నెల 21వ తేదిన విడుద‌ల కానుంది. ఈ నేప‌థ్యంలో ఈ మూవీ విశేషాల‌ను మీడియాతో పంచుకున్నారు దిల్ రాజు. ఈ మూవీకి ద‌ర్శ‌కుడు శేఖ‌ర్‌క‌మ్ముల‌, తాను చేరో క‌న్నులాంటి వార‌మ‌ని పేర్కొన్నారు..ద‌ర్శ‌కుడు శేఖ‌ర్ క‌మ్ముల వ‌ర్కింగ్ స్టైల్ వేరేగా ఉంటుంద‌న్నారు. లీడ‌ర్ చిత్రం అయ్యాక శేఖ‌ర్‌ని ఏదైనా మంచి స్క్రిప్ట్ ఉంటే చెప్ప‌మ‌ని అడిగాన‌ని అంటూ ఆయ‌న‌తో మూవీ చేయ‌డం ఇప్ప‌టికి కుదిరింద‌ని చెప్పారు. ఫిదా క‌థ‌ని విని అంద‌రూ బాగుంద‌న్నారు. ఈ చిత్రం తీయ‌డానికి శేఖ‌ర్‌కి ఫుల్ ఫ్రీడం ఇచ్చామ‌ని వెల్ల‌డించారు. అమెరికాలో సెటిల్ అయిన తెలుగు ఫ్యామిలిలో అబ్బాయి..తెలంగాణ అమ్మాయిల మ‌ధ్య న‌డిచే ల‌వ్‌స్టోరియే ఈ ఫిదా అన్నారు. ఆనంద్‌, హ్యాపిడేస్ చిత్రాలు శేఖ‌ర్‌కి ఎంత‌మంచి పేరు తెచ్చాయో ఈ చిత్రానికి అంత మంచి పేరు వ‌స్తుంద‌న్నారు. ఈ స్టోరిలో బ్యూటిఫుల్ మూమెంట్ ఉంద‌ని దానికి తాను ఫిదా అయ్యాన‌ని చెప్పారు దిల్‌రాజు. ఈ చిత్రం చేస్తున్న స‌మ‌యంలో వ‌రుణ్ కాలుకి చిన్న ఫ్యాక్చ‌ర్ అవ్వ‌డం, వేరే సినిమా ఉండ‌టం వ‌ల్ల సినిమా కొంచెం లేట్ అయిన‌ట్లు ఉంది కాని వ‌ర్కింగ్ డేస్ మాత్రం త‌క్కువేన‌ని చెప్పారు. హీరోలు త‌మ ఇమేజ్‌ని ప‌క్క‌న‌పెట్టి వ‌చ్చి చేసిన‌ప్పుడే మంచి చిత్రాలు వ‌స్తాయ‌న్నారు. నాగ‌బాబుతో క‌ల‌సి తాను ఈ చిత్రంలోని ఫ‌స్ట్ కాపీ చూశామ‌ని, చాలా బాగా వ‌చ్చింద‌ని వెల్ల‌డించారు..

ఈ మూవీని మెగాస్టార్ చిరంజీవికి కూడా చూపించాల‌నుకుంటున్నామ‌ని చెప్పారు. శేఖ‌ర్ క‌మ్ముల పెద్ద క‌థ రాయ‌రు ..మంచి మూమెంట్స్ రాస్తార‌న్నారు. ఒక సినిమా తీసేముందు ఎంద‌రి స‌ల‌హాలో తీసుకుని చేస్తామ‌ని,. అలా చేస్తేనే ప్రేక్ష‌కులు మెచ్చుకుంటారని చెప్పారు. ఫిదా మూవీకి స్టోరీతో పాటు మ్యూజిక్ కూడా హైలెట్ అవుతుంద‌న్నారు. ఈ చిత్రంలో హీరోయిన్ సాయి ప‌ల్ల‌వి మ‌ల‌యాళీ అయిన‌ప్ప‌టికీ , తెలుగు నేర్చుకోవ‌డ‌మే కాకుండా తెలంగాణ యాసతో త‌న‌కు తానే డ‌బ్బింగ్ చెప్పుకుంద‌ని చెప్పారు. ఈ మూవీ అంద‌రికీ న‌చ్చుతుంద‌నే ధీమాను వ్య‌క్తం చేశారు. ఏ విష‌యంలోనైనా తాను వాల్యు లేని స్టేట్‌మెంట్ ఇవ్వ‌న‌ని తెలిపారు. రాజా దిగ్రేట్ అక్టోబ‌ర్ 12న విడుద‌ల కానుంద‌ని వెల్ల‌డించారు. నాని న‌టించిన ఎం సి యే డిసెంబ‌ర్‌లో విడుద‌ల కానున్న‌ట్లు చెప్పారు.