యాక్షన్ థ్రిల్లర్ కథాంశంతో కమల్ కొత్త చిత్రం..!

విలక్షణ నయుడు కమల్ హాసన్ సినిమా అంటే ప్రేక్షకుల్లో ప్రత్యేక క్రేజ్ ఉంది. ఆయన సినిమా విడుదల కోసం అభిమానులు వేయి కళ్లతో ఎదురు చూస్తుంటారు. అందుకు ప్రధాన కారణం ఆయన చిత్రాన్ని వైవిధ్యమే. కమల్ హాసన్ చేసే ప్రతి సినిమాలోనే ఏదో ఒక ప్రత్యేకత ఖచ్చితంగా కొట్టొచ్చినట్టు కనిపిస్తుంటుంది. 

 

ఆయన తాజాగా నటించిన 'విశ్వరూపం 2', 'ఉత్తమవిలన్', 'పాపనాశం' చిత్రాల మూడు నిర్మాణాన్ని పూర్తి చేసుకుని విడుదలకు సిద్ధంగా ఉన్నాయి. ఈ నేపథ్యంలో తదుపరి ప్రాజక్టుకి ఆయన సిద్ధమవుతున్నాడు. ఈసారి యాక్షన్ థ్రిల్లర్ కథాంశాన్ని ఎంచుకున్నాడు. దీని షూటింగును మాల్దీవులలో నిర్వహించడానికి ఇప్పటికే ఆయన లొకేషన్స్ కూడా ఎంపిక చేసుకున్నాడు. 

 

విడుదలకు రెడీగా వున్న ఆ మూడు చిత్రాలకూ సంగీతాన్ని అందించిన జిబ్రాన్ ఇప్పుడు దీనికి కూడా మ్యూజిక్ చేస్తున్నాడు. ప్రస్తుతం మ్యూజిక్ సిటింగ్స్ జరుగుతున్నట్టు సమాచారం. యాక్షన్ థ్రిల్లర్ కావడంతో సరికొత్త ట్యూన్స్ ను రూపొందిస్తున్నామని జిబ్రాన్ తెలిపారు.