ఎఫైర్ల వలలో 1.37 కోట్ల మంది ఇండియన్స్... ఎఫైర్స్ లీక్... సూసైడ్ చేస్కుంటున్నారు...v

చెప్పుకునేందుకు, మాట్లాడుకునేందుకు, లైంగికానందం పొందేందుకు ఓ వెబ్ సైట్ ఉంది. అదే యాష్లే మాడిసన్. ఈ సైట్ ట్యాగ్ లైన్ ఏంటంటే... లైఫ్ ఈజ్ షార్ట్... హ్వావ్ ఎన్ ఎఫైర్... దీన్ని చూస్తేనే తెలిసిపోతుంది. వ్యవహారం ఎక్కడి దాకా వెళ్లిపోతుందో. వివాహేతర సంబంధాలకు ఆధారంగా నిలిచిన ఈ ఆన్ లైన్ డేటింగ్ వెబ్ సైట్లో వినియోగదారులుగా చేరినవాళ్లు ఒక్కొక్కరుగా ఆత్మహత్యలకు పాల్పడుతున్నారు. దీనికి కారణం, ఆ సైట్లో గోప్యంగా రిజిష్టర్ చేసుకున్నప్పటికీ ఎఫైర్ల చిట్టా బయటకు రావడమే. 

 

ఈ ఆత్మహత్యల పరంపర ఏ ఒక్క దేశంలోనో కాదు... ప్రపంచ వ్యాప్తంగా అక్కడక్కడా జరుగుతూ ఉంది. ఈ వెబ్‌సైట్‌లో రిజిస్టర్ అయిన 39 కోట్ల 47 లక్షల మంది ఇప్పుడు తమ వ్యక్తిగత వ్యవహారాలు ఎవరికంట పడుతాయోనని భీతిల్లిపోతున్నారట. దీనికి కారణం ఈ యూజర్లకు సంబంధించిన వివరాలను హ్యాకర్లు హ్యాక్ చేయడమే. వీరు విడుదల చేసిన జాబితాలో ఇండియాకు చెందిన వారు 1.5 లక్షల దాకా ఉన్నట్లు తెలుస్తోంది. 

 

ఈ మొత్తంలో హైదరాబాద్ నగరానికి చెందిన వారు 12, 548 మంది ఉన్నట్లు ఆ సైట్ వెల్లడించింది. ఇక డేటింగ్, అక్రమ సంబంధాల వ్యవహారంలోనూ ఢిల్లీ అగ్రస్థానంలోనే ఉంది. ఆ తర్వాత వరుసగా ముంబై, చెన్నై, బెంగళూరు, హైదరాబాద్, కోల్ కతా, పూణె వాసులు ఉన్నట్లు తేలింది. వీరి వివరాలన్నీ హ్యాకర్లు లీక్ చేసినట్లు తెలుస్తోంది.