రోజుకు 20కి.మీ. పరిగెడతా.. డ్రగ్స్‌ అలవాటు లేదు: రానా

‘బాహుబలి’ సినిమాతో దేశవ్యాప్తంగా మంచి క్రేజ్‌ సంపాదించుకున్నాడు రానా. ఆ సినిమాలో ఆయన ఫిట్‌నెస్‌ చర్చనీయాంశంగా మారింది. అయితే రానాకు డ్రగ్స్‌ అలవాటు ఉందని ఇటీవల వదంతులు వ్యాపించాయి. సినీ పరిశ్రమలోని ముఖ్య వ్యక్తులకు డ్రగ్స్‌ అలవాటు ఉందని, వారి పేర్లు బయటకు రాకుండా జాగ్రత్తలు తీసుకుంటున్నారని వార్తలు వినిపిస్తున్నాయి.

 

ఈ విషయంపై తాజాగా రానా స్పందించాడు. డ్రగ్స్‌ కేసు గురించి జాతీయ మీడియాతో మాట్లాడాడు. ‘నాకు డ్రగ్స్‌ కేసుతో ఎలాంటి సంబంధమూ లేదు. నేను ఫిట్‌నెస్‌ కోసం చాలా కష్టపడతా. రోజుకు 20 కిలోమీటర్లు పరిగెడతా. కఠినమైన వ్యాయామాలు చేస్తా. ఫుడ్‌, డైట్‌ విషయంలో చాలా కఠినంగా ఉంటా. నిజంగా నాకు డ్రగ్స్‌ ఉపయోగించే అలవాటుంటే ఇవన్నీ చేయగలనా? మీరే చెప్పండి’ అని ప్రశ్నించాడు రానా.