పూరీ జగన్నాథ్ దర్శత్వంలో మెగాస్టార్ 150వ చిత్రం ఖరారు..!

మెగా స్టార్ చిరంజీవి అభిమానులు ఎంతో కాలంగా ఎదురుచూస్తున్న ఆయన 150వ చిత్రం త్వరలో తెరకెక్కనుంది. చిరు 150వ సినిమా చేస్తున్నానని చెప్పి చాలా రోజులే అయినా... దర్శకుడి గురించే ఊగిసలాట జరుగుతోంది. 

 

ప్రస్తుత తాజా సమాచారం ఏమంటే చిరు 150వ చిత్రాన్ని పూరీ జగన్నాథ్ డైరెక్ట్ చేయనున్నాడట. విశ్వసనీయ వర్గాల ద్వారా ఈ విషయం వెల్లడైంది. రచయిత బివిఎస్ రవి ఈ చిత్రానికి కథ అందిస్తున్నారు. ఆగస్ట్ 22న చిరు పుట్టినరోజు. ఆ రోజే ఈ చిత్ర ప్రారంభోత్సవం చేసేందుకు ప్లాన్ చేస్తున్నట్టు సమాచారం. కాగా ఈ చిత్రాన్ని రామ్ చరణ్ నిర్మిస్తున్న విషయం తెలిసిందే.