లవ్ సైకో వారధిగా వచ్చేస్తున్నాడు...హైలైట్స్ ఇవే

క్రాంతి, శ్రీదివ్య జంటగా సతీష్ కార్తికేయ దర్శకత్వంలో తెరకెక్కించిన చిత్రం వారధి. కాస్మిక్ ఇమాజినేషన్స్ బ్యానర్ పై వివేకానంద వర్మ ఈ చిత్రాన్ని నిర్మించారు. అన్ని కార్యక్రమాలు పూర్తి చేసుకొని ఈనెల 17న గ్రాండ్ గా రిలీజ్ చేయనున్నారు.
చిత్ర దర్శకుడు వారధి విశేషాల గురించి మాట్లాడుతూ.... అన్ని కార్యక్రమాలు పూర్తయ్యాయి. ఇది ట్రయాంగిల్ లవ్ స్టోరీ. మానవ సంబంధాల నేపథ్యంలో కొనసాగుతుంది. పక్కా కమర్షియల్ ఫార్మాట్ లో రూపొందించాం. ఈనెల 17న రిలీజ్ అవుతుంది.

హీరో క్రాంతి మాట్లాడుతూ... కామెడీ హైలైట్ గా నిలుస్తుంది. నలుగురు బాధలో ఉంటే సంతోషాన్ని వెతుక్కునే సైకో పాత్రలో నటించాను. అలాంటి వ్యక్తి ఓ అమ్మాయిని ప్రేమిస్తే ఏమవుతుందో అనేదే చిత్ర కథ. అని అన్నారు.

హీరోయిన్ శ్రీ దివ్య మాట్లాడుతూ... మంచి ప్రేమ కథా చిత్రం ఇది. విభిన్నంగా సాగుతుంది. కమర్షియల్ వాల్యూస్ ఉంటూనే మానవ సంబంధాల్ని ప్రతిబింబించారు. క్రాంతి ఇందులో సైకో పాత్రలో కనిపిస్తాడు. సతీష్ డైరెక్టర్ గా సక్సెస్ సాధిస్తాడు.