రాజేంద్ర ప్రసాద్‌కు ''మా'' కిరీటం: రోజా హ్యాపీ.. తగిన శాస్తి అంటూ కామెంట్!

మూవీ ఆర్టిస్ట్స్ అసోసియేషన్ ఎన్నికలు కొందరు పెద్దలకు మంచి గుణపాఠమని వైయస్సార్ కాంగ్రెస్ పార్టీ శాసన సభ్యురాలు, ప్రముఖ సినీ నటి రోజా అన్నారు. మూవీ ఆర్టిస్ట్స్ అసోసియేషన్ అధ్యక్షుడిగా రాజేంద్రప్రసాద్ ఎన్నికైనందుకు రోజా హర్షం వ్యక్తం చేశారు. పేదకళాకారుడు తిరగబడితే ఎలా ఉంటుందో చెప్పడానికి ఈ ఫలితాలు నిదర్శనమని అన్నారు. 

 

డబ్బున్న వారు మాట చెలామణి అవుతుందని గర్వించిన వారికి తగిన శాస్తి జరిగిందని రోజా చురకంటించారు. గతంలో కొందరు గౌరవం కోసం 'మా' అధ్యక్ష పదవిని వాడుకున్నారని, వారు కళాకారులకు ఏమీ చేయలేదని రోజా విమర్శించారు. 'మా' అధ్యక్షుడిగా రాజేంద్రప్రసాద్ ఎన్నికకావడం సంతోషంగా ఉందని, ఆయన కళాకారులకు ఇచ్చిన హామీలను నెరవేరుస్తారని రోజా విశ్వాసం వ్యక్తం చేశారు.