మెసేజ్‌ చెప్పడానికి 15 రేప్‌ సీన్లా?

300 మంది మహిళలను మానభంగం చేసిన ఓ మృగాడి స్టోరీని తెరకెక్కించాలంటే ఎన్ని దమ్ములు కావాలి? సమాజంలో జరిగే ఇలాంటి అకృత్యాలను ప్రశ్నించిన ఓ  యువతికి ఎదురైన పరిస్థితి ఏంటి ? చదువుతుంటేనే బాగా డెప్త్ ఉన్న స్టోరీ అని అర్ధమవుతోంది. కానీ ఇది నాగపూర్ లో జరిగిన వాస్తవగాధ. దీన్నే కీచక పేరుతో ఓ సినిమాగా తీస్తున్నారు మిణుగురులు అంటూ అవార్డ్ విన్నింగ్ సినిమా తీసిన ఎస్‌వీబీ చౌదరి.

అయితే.. ఈ సినిమాలో ఏకంగా 15 రేప్ సీన్స్ డైరెక్టుగా తీశారని.. అవన్నీ రియలిస్టిక్‌గా, హింసాత్మకంగా ఉంటాయని తెలుస్తోంది. ఇప్పటికే సెన్సార్ కూడా పూర్తి చేసుకున్న కీచక... ప్రస్తుతం పోస్ట్ ప్రొడక్షన్ కార్యక్రమాల్లో ఉంది. మహిళల్లో చైతన్యాన్ని కలిగించే కథాంశంగా చెబ్తున్న ఈ సినిమాకి... ఇన్ని రేప్ సీన్స్ అవసరం ఏంటో మాత్రం చెప్పడం లేదు ఎవరూ. కానీ మిణుగురులు లాంటి సినిమా తీసిన డైరెక్టర్ కావడంతో... మూవీపై నమ్మకం ఉంచి.. బాగానే బిజినెస్ జరిగిందట. చూద్దాం.. మెసేజ్ కి మసాలా జోడించారో లేక.. మసాలాకే మెసేజ్ రూపం ఇచ్చారో...