సింగర్‌ స్మిత సినిమాలో మ్యాటరుంది...

ప్రతిభ గల డైరెక్టర్ దేవ్ కట్టా... ట్యాలెంటెడ్ సింగర్ స్మితతో ఓ షార్ట్ ఫిలిం తీశారు. స్వాతంత్ర్య దినోత్సవం సందర్భంగా మహిళలకు ఆర్థిక స్వాతంత్ర్యం ఉండాలనే మెసేజ్ ను ఈ వీడియో ద్వారా ఇచ్చారు దేవ్ కట్టా. రవి వర్మ, స్మిత నటించిన ఈ షార్ట్ ఫిలింలో... ఉద్యోగం చేయాలనుకునే భార్యగా స్మిత, ఇంటిపనులకే నువ్వు సరిపోతావనే అహంకారం ఉన్న భర్త పాత్రలో రవి నటించారు. "డయింగ్ టు బీ మి" అంటూ తనకు తాను బతికేందుకు మహిళ చచ్చిపోవాల్సిన పరిస్థితి వస్తోందని కూడా చెప్పారు. 

దేశంలో 50శాతం మంది మహిళలుండగా.. 70శాతం పని వేళలు వారివేనని... కానీ 10శాతం జీతాలు,1 శాతం ఆస్తులు మాత్రమే వారి సొంతమనే కఠోర వాస్తవాలను చివర్లో అక్షరాల రూపంలో చెప్పారు.  బతకండి, ఆర్థికంగా మహిళలను స్వతంత్రంగా బతకనివ్వండి అంటూ ఇచ్చిన సందేశం ఆకట్టుకుంది. కేకే ఇచ్చిన బ్యాక్ గ్రౌండ్ మ్యూజిక్ మనసును హత్తుకునేలా ఉంది. ఇంత లోతైన మెసేజ్ ని.. ఇంత చిన్న షార్ట్ ఫిలింలో చెప్పిన టీంకు హ్యాట్సాఫ్ చెప్పాలి.