మహేష్ బాబు రెండు గ్రామాలు దత్తత... ఒకటి తెలంగాణ, ఇంకోటి గుంటూరులో...

శ్రీమంతుడు చిత్రం గ్రామాన్ని దత్తత తీసుకోవడంపైనే నడుస్తుంది. ఈ చిత్రంలోని పాయింట్ అభివృద్ధికి బాటలు వేసేదిగా ఉందంటూ తెలంగాణ ఐటీ శాఖామంత్రి కేటీఆర్ గతంలో ప్రశంసించారు. పనిలో పనిగా తెలంగాణ రాష్ట్రంలో ఏదైనా గ్రామాన్ని మీరు దత్తత తీసుకుంటే బావుంటుందని సూచన కూడా చేశారు. దీనితో ఆలోచన చేసిన మహేష్ బాబు కేటీఆర్ సూచన మేరకు తెలంగాణ రాష్ట్రంలోని మహబూబ్ నగర్ జిల్లాలో ఓ గ్రామాన్ని, గ్రామజ్యోతి పథకంలో భాగంగా దత్తత తీసుకోనున్నట్లు తెలిపారు. 

 

ఐతే పూర్తి వివరాలను తర్వాత ప్రకటిస్తానని ట్విట్టర్లో చెప్పారు. కాగా ఇప్పటికే తన తండ్రి జన్మస్థలమైన బుర్రిపాలేన్ని దత్తత తీసుకోవాలని ఇప్పటికే మహేష్ బాబు ప్రకటించారు. ఈ గ్రామం ఆంధ్రప్రదేశ్ రాష్ట్రం గుంటూరు జిల్లాలో ఉన్నది. మహేష్ బాబు ట్వీట్స్ ఇవే...