పవన్ ఫ్యాన్స్‌పై నాగబాబు సీరియస్

పవన్ కళ్యాణ్ ఫ్యాన్స్‌పై మెగా బ్రదర్ నాగబాబు సీరియస్ అయ్యారు. హైదరాబాద్‌లోని శిల్పకళావేదికలో శుక్రవారం చిరంజీవి 60వ పుట్టిన రోజు వేడుకల్లో పాల్గొన్న నాగబాబు పవన్ ఫ్యాన్స్‌పై మండి పడ్డారు. మెగా ఫ్యామిలీకి సంబంధించిన ఏ కార్యక్రమంలోనైనా పవన్ అభిమానులు కాస్త హడావిడి చేస్తారనే సంగతి తెలిసిందే. అదే మాదిరిగా శుక్రవారం జరిగిన చిరు బర్త్‌డే ఫంక్షన్‌లో కూడా పవన్ అభిమానులు ” వుయ్ వాంట్ పవర్ స్టార్ ” అని అరవడం మొదలెట్టారు. దీంతో అసహనానికి గురైన నాగబాబు పవర్ స్టార్ అభిమానులకి ఒక రకమైన క్లాసు పీకాడు. ప్రతి సారి పవర్ స్టార్ అని ఎందుకు అరుస్తున్నారు.. అని నాగబాబు ప్రశ్నించాడు... మేము ఎన్నో సార్లు పిలిచాం...రాకపోతే ఏం చెయ్యాలి అని నిలదీసాడు. పవర్ స్టార్ మా ఫంక్షన్స్‌కి రాడు అని, అది మీకు తెలిసి కూడా గోల చెయ్యడం ఏంటి అని మండిపడ్డాడు. దమ్ముంటే పవర్ స్టార్ ఇంటికి, ఆఫీస్‌కి వెళ్ళి ఎందుకు రావట్లేదో ఆయన్నే అడగండి..అంటూ సీరియస్ అయ్యాడు. దీంతో పవర్ స్టార్ అభిమానులు సైలెంట్ అయిపోయారు