షారూక్ కుటుబానికి స‌ల్మాన్ సైకిళ్ల కానుక

న‌టుడు సల్మాన్‌ఖాన్‌ సొంత కంపెనీ బీయింగ్‌ హ్యూమన్ నుంచి ఈ-సైకిల్స్‌ను మార్కెట్‌లో విడుదల చేశారు. అయితే ఈ సైకిళ్లు మార్కెట్‌లోకి రాకముందే సల్మాన్‌.. షారుక్‌కి, ఆయన పిల్లలు సుహానా, ఆర్యన్‌లకి వీటిని కానుకగా ఇచ్చాడు. ఈ విషయాన్ని షారుక్‌ ఓ ఇంటర్వ్యూలో వెల్లడించాడు. సల్మాన్‌ది జాలిహృదయం. ఓసారి మా ఇంట్లో బంధువులతో గెట్ టుగెదర్‌ ఏర్పాటుచేశాను. మేమంతా కలిసి మాట్లాడుకుంటుంటే సడెన్‌గా సల్మాన్‌ ఇంటికి వచ్చాడు. అంతేకాదు బీయింగ్‌ హ్యూమన్‌ కంపెనీకి చెందిన ఈ-సైకిళ్లు మాకు కానుకగా ఇచ్చి వెళ్లిపోయాడు. ఇప్పుడు సల్మాన్‌ నేను నటించబోయే ఓ చిత్రంలో అతిథి పాత్రలో నటిస్తున్నాడు. అసలైతే ఈ సినిమాలో కథానాయకుడి పాత్ర ముందు సల్మాన్‌కే అనుకున్నారు దర్శకుడు ఆనంద్‌ ఎల్‌.రాయ్‌. కానీ అప్పటికి వీఎఫ్‌ఎక్స్‌ అందుబాటులో లేదని కొంతకాలం సినిమా ఆగిపోయింది. ఆ తర్వాత సల్మాన్‌కి తీరిక లేకపోవడంతో నాకు ఆ అవకాశం దక్కిందని తెలిపాడు.